Mín verkefni

Ég hef haft áhuga á FabLab frá því það kom fyrst á Sauðárkrók . Ég er búin rosalega margt í þessu og haft gaman af. Dæmi um það sem ég hef gert er kertastjakar fyrir sprittkerti, bæði abstrakt og Ísland, margar gerðir af hálsmenum, jólatré sem smella saman, Íslandsostabakka, viðurkenningarskjöld fyrir kvennasamtökin Laydies Circle, lyklakippur, límmiða - margar gerðir, glasamottur, tertudiska og margt fleira. 

 

Hér koma myndir af nokkru sem ég hef gert sjálf.

 

Foreldrar mínir voru að fara til Ástralíu og vantaði litlar gjafir. Ég náði í Ísland og skar út og rastaði í glasamottustærð fullt af Íslandi. Einfalt, þægilegt og ekki síður létt í töskuna hjá þeim.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ég bjó til tertudiska. Mig langaði að breyta pínu diskunum sem hafa verið svo mikið í gangi. Ég náði í mynd að tréi og skar í burtu krónuna, þannig að eftir var neðri hlutinn (ég man ekki hvað það er kallað) og límdi við hann undirstöður svo hann stæði. Næst afritaði ég þetta og skar ég út rendur í báða hlutina, annarsvegar upp og hins vegar niður. Ég bjó til tvær gerðir af disknum ofan á, annars vegar svartan hring og hins vegar glæran hring sem ég límdi svört laufblöð neðan á. Á báða diskana bjó ég til stýringar svo að diskurinn héldist á sínum stað.

Ég var mjög ánægð með þessa útkomu. 

 

  

Athyglisvert

Það er svo margt fallegt á markaðnum og endalaust hægt að finna eitthvað nýtt. Það sem ég féll algerlega fyrir núna voru límmiðar frá Fonts hönnun og heimilis. Þar eru fullt af limmiðum. Endilega skoðið síðu þeirra á facebook. 

http://www.facebook.com/fontshonnunoglist

 

Verkefni 10 - Sketchup

Sketchup er mjög sniðugt þrívíddar forrit, það eru góðar leiðbeiningar á heimasíðu forritsins. Reyndar hentar þetta forrit betur fyrir tæknifólk heldur en áhugamenn, því það eru ansi margir möguleikar sem flækja þetta bara. Ég setti upp kaffistofuna á tannlæknastofunni því við erum að fara að standsetja hana þar. Það tók mig 2 klst. að setja þetta upp í Sketchup og var ég ekki nema þokkalega ánægð með niðustöðuna.

 

 

 

 

 

 

 

 

 

 

 

 

 

Ég hef unni svolítið í forriti sem ég keypti í Ipadinn minn og heitir Home design 3D. Það forrit er mun einfaldara og þægilegra fyrir áhugamenn eins og mig. það tók mig ekki nema 15 minútur að setja upp kaffistofuna í því forriti. Til þess að sjá betur rýmið faldi ég tvo veggi.

 

 

Verkefni 9 - Rastering í gler

Ég keypti tvo vasa í RL. Ég fór á netið af fann tvö ólík munstur, annars vegar abstrakt og hins vegar fuglamunstur.

Það gekk ágætlega að rastera í glerið fyrir utan það að seinni vasinn datt af grindinni og þá skekktist aðeins myndin, en það gerir ekki til því nú veit ég hvernig á að gera þetta.

Verkefni 8 - Ljós 2

Ég keypti lampa í RL með fjólubláum skermi. Fyrsta hugmyndin var að búa til nýjan skermi á lampan úr plexigleri. Eftir smá umhugsun ákvað ég að falla frá þeirri hugmynd og keypti laxaroð í Gestastofu Sútarans.

Ég skar út hjörtu og fiðrilidi í roðið og límdi það utan um fjólubláa skerminn. Hugmyndin var að fá skemmtilegan fjólubláan bjarma í gegnum útskurðinn.

Hjörtun voru skorin alveg út en fiðrildin voru skorin út að hluta, þannig að vængirnir á fiðrildunum stæðu út. Þetta var pínu snúið því roðið var ekki alveg ferkantað og því skannaði ég roðið til þess að fá lögunina á því svo ég vissi hvaða svæði ég hefði til þess að setja munstrið á. Ég straujaði flíselíni undir roðið til þess að það yrði pínu stíft svo að vængirnir á fiðrildunum stæðu út.

Reyndar er laserinn búinn að vera bilaður og hann getur ekki skorið allt roðið þannig að ég prófaði að sker munstrið út í  pappír og það kom mjög vel út. Ég mun skera roðið og líma það á um leið og ég veit að því að laserinn er kominn í lag.

 

Verkefni 7 - Logo verkefni

Tilgangurinn með þessu verkefni var að prófa mismunandi efni til að vinna með. 

1. hluturinn

Ég bjó til hauskúpumerkimiða handa Jóhanni Gunnari. Þar sem stafirnir eru skornir út í roð en ekki rastaðir þarf að passa að miðjan detti ekki úr þeim og breytti ég því stöfum sem ég fann í tölvunni.

2. hluturinn

Næst bjó ég til skilti fyrir salernisaðstöðuna á tannlæknastofunni og skar það út og rastaði í krossvið.

3. hluturinn

Rastaði fallega mynd í kerti. Rasteringin tókst ekki eins og til var ætlast. Ég reyndi það tvisvar og breytti hraðanum en það mistókst líka. Ég hef áður rastað á kerti og þá tókst það vel en ég gleymdi að skrá hjá mér hvernig stillingarnar vour. Ég á örugglega eftir að prófa þetta aftur. Læt fylgja myndir af þeim kertum líka.

 

Verkefni 6 - Stóra smelluverkefnið

 

Í stóra smelluverkefninu áttum við að búa til hlut sem þurfti að innihalda að minnsta kosti fjórar samsetningar og mátti ekki komast fyrir á meira en einni plötu.

Hugmyndin hjá mér var að hanna bakka eins og amma var alltaf með í eldhúsinu hjá sér.

Hæðin á bakkanum réðst af því hvað platan var há. Næst bjó ég til þríhyrning, tók afrit af honum og gerði skarð upp og niður (2.9 mm því platan var 3 mm) til þess að það smelli rétt saman.

Ég fann fallegt munstur á netinu og vann það til í Inkscape.  Næst gerði ég kassa, rúnaði hornin, setti myndina á og miðjaði. Næsta skref var að taka tvö afrit af þessum kassa og minnka þau, þannig að þá var ég með þrjá mis stóra kassa. 

Til þess að hægt væri að renna spjöldunum niður bjó ég til 3 mm kross (tók afrit af honum) og miðjaði hann á spjöldunum og aðskildi.

Ég bjó til  sæti fyrir bakkana svo þeir sætu betur og myndu ekki rugga.

Að lokum stillti ég línubilið til þess að skurðurinn kæmi réttur. 

Verkefni 5 - Stensl

Í þessu verkefni bjuggum við til stensla. Þetta er mjög sniðugt og mun auðveldara en ég bjóst við. Ég fór á netið og fann mynd af fugli og vann hann. Ég fann ramma sem hæfði stærð fuglsins og mæli hann. Ég bjó til límmiða með því að gera kassa sem hæfði rammanum og miðja fuglinn inni í honum. Eftir að ég var búin að skera út límmiðan í vínilskeranum setti ég hann í rammann. Plata er sett inn í pokann (eða það sem á að stensla) til þess að málning smitist ekki á milli laga.  Málningu er makað í gatið á límmiðanum og skafa notuð til þess að dreifa úr málingunni. Passa þarf að ekki verði neins staðar klessur og að ekki fari máling undir límmiðann. Ég hefði þurft að fara aftur yfir límmiðann með sköfunni því að það vantaði málningu á hluta fuglsins, þ.e. það var ansi þunnt lag á parti.

Verkefni 4 - Ljós 1

Þetta verkefni gengur út á það að búa til límmiða og setja utan um krukku. Ég keypti fallegt kerti í Bónus og fann mynd á netinu.

Ég byrjaði á að punkta upp myndina sem ég fékk á netinu. Næst mældi ég þvermál krukkunnar og margfaldið með pí - 3,14 til þess að fá ummál krukkunnar og mældi einnig hæðina á krukkunni. Ég bjó til kassa með þessum málum því að það þurfti að skera ytri línur límmiðans því að í þessum límmiðum er munstrið tekið í burtu. Ég var mjög sátt við útkomuna og passaði límmiðinn utan um nánast upp á millimetra eins og sést á seinni myndinni.

Verkefni 3 - Litla smelluverkefnið

Í verkefni þrjú lærðum við að búa til smelluverkefni. Það er erfiðara en það lítur út fyrir að vera. Það eru alls konar stillingar sem þarf að gera. Ég byrjaði á því að fara á netið á ná mér í þessa sætu mynd af yfirstrumpi. Það fyrsta sem þarf að gera er að punkta karlinn upp og setja stærðina. Þá er næst að tvöfalda karlinn, því það þarf að vera einn hluti fyrir útlínur og annar fyrir munstrið (sem á að rasta). Næsta skref er að vinna með bakgrunni, það þarf að "brjóta hann í sundur" og vinna með hann þannig að hann verði bara að svörtum skugga. Þegar það er búið er hann settur saman í eitt stykki (union). Næsta skref er að búa til kassa sem má ekki vera hærri en þykktin á plötunni (í þessu tilfelli 3 mm). Þessi kassi er tvöfaldaður og staðsettur á löppunum á yfirstrumpi. þessi tveir kassar sameinaðir og tekið afrit af þeim. Fyrstu tveir kassarnir eru síðan sameinaðir skuggamyndinni. Skuggamyndin er síðan stillt af, þ.e. útlínur stilltar á 0,010 mm. Myndin sem á að rast er stilt á rasteringu en engan skurð. Þessar tvær mydnir eru síðan  sameinaðar. Botninn er búinn til með að búa til hring og setja kassana tvo á hann (best er að minnka kassana um 0,1 mm þvi þeir stækka í skurðinum)

 

Jóhanni Gunnari fannst þetta æðislegt og vildi að ég gerði fleiri strumpa handa honum. Var strax farinn að hanna þetta allt í huganum, Kjartan ætti að vera svartur.